Полицијата ќе ги наградува возачите без алкохол во крвта
Бројот на сообраќајни несреќи предизвикани од алкохолизирани возачи во Словенија оваа година е во пораст, а кај возачите на кои им е направен алкотест во просек се откриени 1,51 промили алкохол во крвта.
Но, на сите оние кај кои ќе се утврди дека се „чисти“ зад воланот им следува награда - интересен музички настан. Бројот на загинати на словенските патишта оваа година е во значителен пораст, а кампањата за зголемен надзор и освестување на возачите под назив „Словенија дува 0,0 промили“ пристигнува во вистински момент - кога дозрева младото вино.
Од почетокот на годината на словенските патишта во несреќи смртно настрадале 117 луѓе, од кои 30 поради возење под дејство на алкохол, а во околу 14.000 сообраќајни несреќи откриени се 1.500 алкохолизирани возачи, што е преку 20 проценти повеќе од лани.
За да ги стимулира учесниците во сообраќајот да се воздржат од консумирање на алкохол и опијати, словенската полиција во акцијата која трае до средината на месецов организира мотивирачка наградна игра. На оние возачи кај кои со тестирањето ќе се утврди дека се целосно „чисти“ ќе им подарат среќки за лотарија на која можат да добијат бесплатни карти за концерт на полицискиот оркестар и популарни пејачи на забавна музика.
Ново на Сител
-
Перински: Ќе се кандидирам за градоначалник на Скопје, ако анкетите покажат рејтинг
-
Затворена зоолошката во Скопје, има сомнеж за „птичји грип“
-
Георгиева: Не чека тешка иднина, најпогодени ќе бидат сиромашните
-
Перински: Незаконски е општини да ја финансираат Албанската академија
-
Костадинов: Водата во Струмица е исправна - се чека потврда од ИЈЗ
-
Пациентите со рак на дојка бараат лекови на позитивната листа, подобрување на скринингот и нови протоколи
-
Нема медицински кадар, а се бркаат стручни лица од болниците
-
Малолетнички бракови тренд во Прилеп