Подготвени сме за билатерален дијалог и взаемно прифатлив договор со Бугарија, вели Заев
„Направивме се, сработивме, ги исполнивме сите критериуми, на ред е ЕУ да испорача. Подготвени сме за билатерален дијалог и разумен и взаемно прифатлив договор во рамките на Договорот за добрососедство со Бугарија. Секако прашањата за македонскиот јазик и идентитет не се и не може да бидат на која било маса“ кажа премиерот Зоран Заев на граѓанската трибина „Најдоброто за нашата општина“ во Скопје.
„Самитот на Европскиот совет е вистинска можност за чекор напред и за решение кое ќе ја оттргне блокадата на нашиот европски прат. За нас е многу важно што земјите членки на ЕУ, меѓу кои и Франција ги поддржуваат процесот на интеграција во ЕУ“ истакна Заев.
Премиерот, кој вчера се сретна со францускиот претседател Емануел Макрон, од кого доби поддршка за започнување на преговорите за членство во ЕУ, истакна дека само дијалогот носи решенија.
„Најважното просперитетно решение за нас е решението за почеток на преговорите, одобрено од сите земји членки на ЕУ. Се бориме за иднината на земјата и ќе направиме се за неа“ истакна Заев.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат