Почнува кампањата „Среќна и безбедна 2018 година“
Одделението за превенција при СВР Скопје, градоначалникот на општина Аеродром Златко Марин, Црвениот крст на Град Скопје и ученици од основните училишта во оваа општина денеска на пладне ќе ја почнат кампањата „Среќна и безбедна 2018 година - во семејно и пријателско дружење“.
- Основна цел на кампањата е подигање на свеста кај граѓаните, особено кај малолетната популација за опасноста од употребата на петарди и други пиротехнички средства, намалување на бројот на повредите од нивната употреба, како и преземање низа превентивни активности насочени кон одржување и подигнување на општото ниво на безбедност, информира МВР.
Ќе биде изведена симулација, односно показна вежба за давање помош при повреди предизвикани од злоупотреба на петарди, ракети и други видови пиротехнички средства, во која ќе бидат вклучени екипи на полицијата, Црвениот крст и ученици од три основни училишта во општина Аеродром.
Од учениците од основните училишта ќе бидат изработени графити и цртежи на тема „Петардите не се играчки“, кои ќе бидат изложени пред платото на ТЦ „Бисер“ во населбата Аеродром.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден