Почнаа едукативните предавања за средношколците во рамките на проектот „Превенција од никотинизам“
Секторот за внатрешни работи -Штип, Отсек за превенција почна со проектот „Превенција од никотинизам“ преку кој средношколците во Штип ќе се едуцираат за штетните последици од никотинизмот.
Началникот на Отсекот за превенција во СВР-Штип, Ангелчо Стојановски појасни дека целта е со едукативни предавања на младите да им се укаже за штетноста и зависноста од никотинот, имајќи во предвид дека младите се порано започнуваат со пушење на цигари.
- Во овој проект првпат се вклучени врснички едукатори. Ќе се реализира во сите основни и средни училишта во сите општини во надлежност на секторот. Освен превенцијата, предвидени се и спортски натпревари, со кои треба да се промовираат вредностите и здравите навики кај младите, изјави Стојановски.
Средношколците велат дека се упатени за штетноста на никотинот и оти порокот предизвикува сериозни заболувања. Знаат и дека никотинот е опасен и за пасивните консументи.
Според податоците од Светската здравствена организација (СЗО), дури 41 отсто од тинејџерите до 16-та година испушиле барем една цигара, а секој десетти зависник од никотин над 30 години починал од болест предизвикана од пушење.
Ново на Сител
-
Вучевиќ честиташе на ВМРО-ДПМНЕ и Сиљановска Давкова: Се радувам на соработката за доброто на двете држави и двата народа
-
Средба на началниците на генералштабовите на армиите на Норвешка и Северна Македонија
-
Нетанјаху: Немаме избор освен да го уништиме Хамас
-
Состојба на патиштата
-
Променливо облачно и посвежо
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034