Почна обуката на новите 660 кандидати за полициски службеници
Во Центарот за обука на кадри при Министерството за внатрешни работи во Идризово од денеска започна едногодишна обука на 660 кандидати за полициски службеници кои беа селектирани по објавениот оглас за прием на 600 полициски службеници, кој беше објавен на 10 јули 2015 година.
Како што е познато на конкурсот објавен на 10.07.2015 за прием на 600 извршители на работното место „полицаец“ беа пријавени околу 3.000 кандидати, стои во денешното соопштение од МВР. Кандидатите, се потсетува, беа избрани по завршување на неколку фази на проверки по принципот на рангирање. Опфатени се тестирања на физичките способности на пријавените кандидати, потоа психо-образовни тестирања и здравствени проверки. Притоа, со овие кандидати, се наведува во соопштението, е потпишан договор за основна обука за полицаец во траење од една година започнувајќи од 07.10.2015 година.
Интернатската обука на кандидатите ќе се одвива во три образовни модули- јавен ред и мир, сообраќај и гранични работи. Секој од модулите, се подвлекува, трае четири месеци, од кои три месеци кандидатите ќе имаат теоретска обука, а по еден месец практична, теренска обука. По завршената основна обука, Договор за вработување во МВР потпишуваат 600 кандидати согласно ранг листата изготвена од Центарот за обука.
Ново на Сител
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло