Партијата на Грците ја напушта албанската владина коалиција
Лидерот на Партијата за заштита на човековите права, која ги застапува интересите на припадници на грчкото малцинство во Албанија, соопшти дека „де факто“ повеќе не е дел од албанската владина коалиција, јави дописникот на МИА.
- Де факто партијата повеќе не е дел од коалицијата, но де јуре потребно е и партискиот Конгрес да се изјасни за овој чекор. Јас ќе му прекдложам на Конгресот напуштање на коалицијата, изјави лидерот на партијата Вангел Дуле за тиранската телевизија Топ-чанел.
Тој објасни дека неговата партија ја напушта владината коалиција, преводена од социјалистите на Еди Рама, затоа што таа, според него, се оддалечила од духот што ја карактеризирал.
- Ние заминуваме од една коалиција која се оддалечи од духот со кој дојде на власт. Дојде со ветувања за реформи, но потфрли со даноците, потфрли со здравтсвото и потфрли во врска со слободни и демократски избори, нагласи Дуле.
Во врска со неговата средба со лидерот на најголемата опозициска сила во Албанија, Демократската партија, Љуљзим Баша, Дуле изјави дека е нормално да се среќаваат лидери на две политички партии.
- Јас ниту се приближувам, ниту се оддалечувам од коалициите без оглед кој е дел од таа коалиција. Ние средбата ја посветивме на политиката, изјави Дуле.
Инаку, во согласност со договорот за распределбата на функциите меѓу актуелните коалициски партнери во Владата, Дуле е потпретседаел на албанскиот Парламент.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата