Пандев „ноќна мора“ за Џиџи Буфон

Македонската фудбалска икона Горан Пандев вечерва против Италија го игра својот 76 меч за националниот тим и ќе се обиде да го постигна својот 27 погодок што ќе биде прв по пауза од цели 8 години во квалификациски натпревар за Македонија.

Последниот квалификациски гол Пандев го постигна против Холандија во 2008г кога одигравме 1-2.

Оттогаш Гоче постигна дури 13 погодоци но на пријателските дуели со Молдавија, Шпанија, Канада, Литванија, Данска, Ц.Гора... но ниту еден квалификациски.

Инаку Горан Пандев важи за голгетер кој во италијанското првенство е ноќна мора за легендата на „аѕурите“ Џиџи Буфон бидејќи досега носејќи го дресот на Лацио и Интер нашиот капитен има постигнато дури 6 погодоци кога на голот бил италијанскиот репрезентативен голман во дуелите со Јувентус:Еден гол на 5 декември 2004 (Јувентус-Лацио 2-1), Два гола на 15 декември 2007 (Лацио-Јувентус 2-3), два гола на 29 ноември 2011 (Наполи -Јувентус 3-3), еден гол на 11 август 2012 (Јувентус-Наполи 4-2, италијански Суперкуп).

Токму затоа вечерва Буфон се надева да продолжи постот на Гоче додека нашиот капитен му се заканува со 7. гол

https://