Памела Андерсон на насловната страница на последниот „гол“ Плејбој

Американската актерка Памела Андерсон ќе ја краси насловната страница на Плејбој за јануари и февруари 2016 година, последниот број со голи жени откако фирмата ја промени стратегијата со цел подобро да се прилагоди на конкуренцијата на интернет.

Тоа ќе и биде 14-та насловна страна во познатото списание, а новиот број со нејзин лик ќе биде во продажба од 11 декември.

По тој повод, Памала даде интервју во кое раскажа дека од нервоза поради првото појавување на насловната страна на Плејбој во 1989 година повратила при снимањето.

Компанијата Playboy Entreprises најави во средината на октомври дека престабнува со објавување на фотографии со голи жени. Генералниот директор Скот Фландерс призна дека фотографиите со голи жени ја изгубиле војната со модерната технологија и дека списанието и понатаму ќе биде со „провокативни снимки, но не целосно голи дами“.