Пакетчиња со поминат рок

Во новогодишните пакетчиња за деца пронајдени производи со поминат рок или со краток рок на траење. Агенцијата за храна и ветеринарство направила вонредна контрола кај 62 пакетчиња, при што било утврдено дека кај 4 оператори имало чоколада, бисквити, чоколадни млека и сокчиња со поминат рок или со рок на трање до декември, односно до крајот на овој месец.

На трговците кои продавале вакви пакетчиња им е наредено да ги повлечат од промет и да ги унишатат. Истите заработиле и прекршочни пријави.

Исто така, при контролите  се најдени и производи кои иако имале уреден рок на траење, кај нив е регистрирана е промена на бојата, мирисот или изгледот.

Од АХВ најавуваат засилени контроли и во наредните денови, а до граѓаните апелираат  да купуваат храна од маркетите каде се контролира квалитетот на храната.