Откриен најстариот материјал, кој постои 7,5 милијарди години
Научници кои анализирале метеорит, го откриле најстариот материјал за кој има сознанија дека постои на Земјата.
Тимот истражувачи од САД и Швајцарија пронашле во метеоритот, кој на паднал на Земјата во 60-те години од минатиот век, зрна прашина стари околу 7,5 милијарди години.
Зрната прашина се формирале во ѕвездите кои се распаднале многу години пред создавањето на нашиот Сончев систем.
Кога умирала една ѕвезда, честичките во нејзе се распрснувале низ вселената, а овие пред-соларни честички потоа се групирале во нови ѕвезди, планети, месечини и метеори.
Професорот Филип Хек од универзитет во Чикаго вели дека тоа се цврсти примероци од ѕвезди, вистинска ѕвездена прашина.
– Убеден сум дека има постари пред-соларни минерали во овој и во другите метеори, само се уште ги немаме пронајдено, вели Хек.
Професорот Хек, исто така, истакна дека благодарение на овие честички сега постои директен доказ за период на зголемено формирање ѕвезди во нашата галаксија пред седум милијарди години со помош на примерок од метеорит, сметајќи го за едно од клучните откритија.
Ново на Сител
-
Инспекторите на терен – дали 140 ученици од “Ѓорѓија Пулевски” се затруени со храна?
-
Кривична пријава за поранешниот директор на струмичкиот затвор
-
Законот за нефер трговски практики почнува од утре, поевтинување се очекува за еден месец
-
Пропадна тендерот за пругата кон Бугарија, приоритет ќе биде Коридор 10
-
Приватните превозници ги паркираа автобусите, бараат зголемување на цените за изминат километар
-
Преглед на вестите од светот
-
Средба Мицкоски-Орбан и заедничка владина седница во Охрид
-
УЈП најави строги контроли на претстојните „Денови на кочанскиот ориз“