Ослободени три лица кои се уапсени по нападот во Манчестер

Британската полиција соопшти дека се ослободени тројца мажи кои се уапсени по нападот во Манчестер, во кој загинаа 22 лица.

Полицијата уапси најмалку 16 луѓе во текот на истрагата, која се уште трае.

- Тоа ќе биде долга истрага и ќе помине многу време пред да дознаеме што навистина се случило, соопшти полицијата.

Двајца од ослободените се од областа Фолоуфилд, на возраст меѓу 20 и 24 години, а третиот е 37-годишен маж од Блекли.

Полицијата претходно, без да биде покренато обвинение, ослободи две лица - една жена и 16-годишно момче.