Оштетени спомен-бисти на народни херои во Штип
Во општина Штип оштетени се неколку спомен-бисти на народни херои од Втората светска војна.
Портпаролот на општина Штип Драган Ристов изјави дека изминатите денови непознати лица обезглавиле спомен бисти, а исшарани се и дел од спомениците на Исарот.
- Обезглавени се спомен-бистите на Ѓошо Сламков во населбата Три Чешми и на Васил Доганџиски, која е до училиштето „Ванчо Прке“, додека бистата на народниот херој Митко Цецов во Стар Конак е оштетена со црна боја. За жал, ова не е првпат вака да бидат уништени бистите на народните херои. Овој чин е за секаква осуда. Нема иднина без почитување на минатото, посебно на оние кои го дале својот живот за слободата на оваа земја, рече Ристов. Изрази надеж дека сторителите ќе бидат откриени и оти во иднина нема да се случуваат вакви вандалски чинови.
Доколку комуналните редари ги фатат сторителите на ваков вандалски чин на местото, во тој случај сторителот треба да плати глоба од 50 евра. Ристов потсети дека пред извесно време вандалски беше оштетен и споменикот на паднатите херои од конфликтот во 2001 година во паркот Суиталк, а општината, како што рече, ги санираше штетите.
Освен спомениците, Ристов рече дека вандали во континуитет прават штети на пешачката патека, кршејќи канделабри, клупи и друг инвентар.
Ново на Сител
-
Во јануари почнува имплементирањето на унгарскиот заем за компаниите
-
Касами пушти во употреба улица во Тетово само со албански знамиња | ФОТО
-
Три лица повредени откако возило од обезбедувањето на Гаши излетало од патот
-
Мицкоски за Законот за јазици: Да почекаме да дојде 11 декември, не постои опасност по безбедноста на државата
-
Јаневска бара неколку дена за решавање на случајот со малолетникот и бојкотот во ОУ „Лазо Ангеловски“
-
Мицкоски: Работодавачите и работниците треба да се усогласат околу минималната плата, Владата ќе прифати тоа што ќе договорат
-
Околу илјада лица со договор на дело во јавните здравствени установи ќе треба да добијат решение на неопределено време
-
Меџити: Законот за употреба на јазиците е тема поради половични и нецелосни решенија на политиките на ДУИ