Орбан им се извини на европратениците: Жалам што ве нареков идиоти, немојте поради тоа да не' исфрлате!
Унгарскиот премиер Виктор Орбан упати писмо до европските политичари кои иницираа изфрлање на неговата партија Фидес од Европската народна партија (ЕПП) во кое се извинува за навредливите зборови, но истакнува дека останува при своите политички ставови.
Портпаролот на унгарската влада рекоа дека писмата се испратени на адресите на сите 13 партии во Европскиот парламент кои побараа исклучување на Фидес.
Според копијата од писмото која Ројтерс ја имал на увид, Орбан побарал од лидерот на фламанските демохристијани Вутер Беке да го преиспита предлогот за исфрлање на Фидес.
„Не е тајна дека постојат сериозни несогласувања... по прашањето на миграциите, заштитата на христијанската култура и иднината на Европа. Исто така не е тајна дека не сакаме да го менуваме нашиот став по тие прашања“, наведе унгарскиот премиер. Тој додаде дека смета дека со исклучување на неговата партија сепак нема да се решат несогласувањата што постојат околу тие прашања.
„Поради тоа сакам да ве замолам да го преиспитате својот предлог за исклучување, ако е тоа можно“, рече Орбан.
Лидерот на ЕПП и кандидат за претседател на Европската комисија Манфред Вебер рече претходно дека извинувањето на Орбан за навредувањето на членовите на ЕПП е услов за останување на Фидес во таа група на конзервативни партии во Европскиот парламент.
Орбан се извини за тоа што во неодамнешното интервју за Велт ам зонтаг своите критичари ги нарече „корисни идиоти“, наведувајќи дека тоа е всушност цитат од Ленин, со кој, сакал да критукува одредена политика, а не одредени политичари.
„Со ова би сакал да ви упатам извинување ако мојата изјава сте ја сфатиле како лична навреда“, рече Орбан.
Ново на Сител
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор