Опожарени борова шума и родни дрвца во Крива Паланка
Сува трева, бор, родни дрвца лешници, орев и круши се опожарени во вчерашниот пожар кој се случил во населбата Баглак 2 во Крива Паланка.
Екипи на територијалната противпожарна единица Крива Паланка интерванирале со две возила и петмина пожарникари.
- Дојавата ја примивме во 16 часот и 40 минути, а до доаѓање на нашите екипи месното население веќе делумно го локализирало пожарот. Пожарникарите го локализираа во 16 часот и 50 минути, но поради ширење на пожарот под земја и горење на корењата на борот и опожаренуте дрва, ликвидиран е во 18 часот и 30 минути, изјави Иле Коцевски, командир на ТППЕ, Крива Паланка.
Опожарена е вкупна површина од еден декар, а изгорела и една дрвена бандера. Пожарот настанал на државно земјиште со кое под наем стопанисува приватен субјект. Причините за пожарот и материјалната штета дополнително ќе се утврдуваат.
- Апелирам граѓаните да бидат крајно внимателни и доколку забележат пожар веднаш да известат, но и активно да се вклучат во негово локализирање до пристигнување на екипи на ТППЕ, како што беше во овој случај. Потсетувам дека на сила е и забрана издадена од Министерството за земјоделство, шумарство и водостопанство за движење во шуми, додаде Коцевски.
Во гасење на вчерашниот пожар се вклучила и екипа на ЈП Македонски шуми и Подрачното шумско стопанство Осогово, Крива Паланка.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка