Охрид наутро исчистен од отпад, навечер ѓубре се фрла насекаде
Јавното претпријатие „Охридски комуналец“ деновиве кога е шпицот на сезоната, покрај редовите активности за одржување на хигиената низ градот и долж крајбрежјето, дополнително се ангажира за собирање на отпадот, што секојдневно се остава на најпосетуваните локации, по парковите, на кејот на езерото, на шеталиштата, атрактивните места во стариот дел на градот.
Како и изминатите денови и ова утро јавните површини низ градот се целосно исчистени од фрлени отпадоци, а плоштадите и улиците измиени. Тие активности се спроведуваат секојдневно, а во активностите се вклучуваат и самоорганизираните граѓански здруженија, младите ентузијасти кои групно чистат и собираат отпад од плажите, но сето тоа е недоволно ако отсуствува свеста за потребата од заштита на околината.
Во координирана акција екипи на „Охридски Комуналец“ и планинската спасителната служба при Црвениот крст-Охрид утрово го расчистуваа тешко пристапниот терен на потегот кај локалитетот Канео каде несовесни гости, главно помлади лица, амбалажата што ја носат со себе ја фрлаат насекаде, па и зад потпорниот ѕид долж патот, што води кон црквата Свети Јован.
Грдите слики од фрлен отпад насекаде се повторуваат секојдневно што не доликува на Охрид и неговиот статус на најпознато и најпосетуванио туристичко место во земјата. Оттаму и апелите на сите субјекти до посетителите малку повеќе да се грижат за заштитата на нашите природни убавини и националното културно историскиско богатство.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп