Одбележани 75 години од бомбардирањето на градот Штип
Да си ја чуваме државата, максимално да се вложува во нашите бранители во АРМ и во македонската полиција. Оваа порака беше упатена денеска од Штип, каде се одбележаа 75 години од бомбардирањето на градот.
Пред релјефот посветен на жртвите од бомбардирањето на Штип, кој се наоѓа пред зградата на Народниот театар-Штип, цвеќе положија претставници од Општинската организација на Сојузот на борците-Штип, од општина Штип, од државните институции и од политичките партии.
Градоначалникот на општина Штип Илчо Захариев потсети дека пред 75 години градот беше бомбардиран, а настрада војска, но и цивилно население кое се затекнало во своите домови. Во бомбардирањето загинале 50 лица, сто биле повредени, а голем број од куќите во Еврејското маало, населбата Кадидаре и покрај коритото на реката Отиња биле урнати.
- Бомбардирањето на Штип не беше случајно. Овде беа сместени елитни единици на тогашната кралска војска, но како што е вообичаено не страдаат само војниците во војната, страдаат и цивилите. Бомбардирањето на Штип беше ѕверско и не беше практично селективно, туку паралелно страдале и куќи, гинеа и војници, гинеа и наши невини жители, рече Захариев.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено