Од 5 август електронски дозволи за времен престој на мигрантите во Македонија
Од 5 август дозволите за 72-часовен престој во државата на мигрантите во Гевгелија ќе им се издаваат по електронски пат, информираа од пограничната полиција во Гевгелија на денешниот состанок со овластените превозници на бегалците.
Командирот на пограничната полиција Митко Илиев соопшти дека забрзано се работи на подготовка на софтверот, кој ќе овозможи од 5 август дозволите да се издаваат за многу кратко време со што, како што рече, ќе се скрати времето за престој на бегалците во Гевгелија и ќе се забрза нивниот транспорт од Гевгелија кон Куманово и Табановце на македонско-српската граница.
Електронските дозволи за времен престој во земјава ќе се издаваат во специјалниот прифатен пункт за бегалците, кој со средства од УНХЦР се гради на локација одобрена од општина Гевгелија, што се наоѓа до зградата на пограничната полиција, во просторот на железничката станица во Гевгелија.
Во близина на пунктот ќе бидат одредени и времени паркиралишта за такси возилата со кои бегалците се превезуваат до Табановце.
Ново на Сител
-
Нетанјаху ја распушти воената влада
-
Приведен криумчар на мигранти
-
ЈП „Комунална хигиена“: Масовно непрописно исфрлање отпад во близина на контејнерите во Скопје
-
Активен пожар во Негорци, регистрирани 15 пожари на отворено во изминатото деноноќие
-
198 санкционирани возачи во текот на изминатиот викенд на подрачје на СВР Битола, 84 за брзо возење
-
Тешко повредено едно лице, откако возило излетало на железничка пруга
-
Англија со победа го започна ЕП – Белингем и пресуди на Србија
-
Комплетиран предлог составот на новата влада, гласањето најавено за 22 и 23 јуни