Од 1 август единствена картичка во автобусите на ЈСП Скопје

Од 1 август годинава  ќе почне пробно да се користи единствената картичка  во автобусите на ЈСП Скопје, а од 1 јануари 2016 година и кај приватните превозници.

Ова денеска на прес-конференција го најавија министерот за информатичко општество и администрација Иво Ивановски, скопскиот градоначалник Коце Трајановски  и директорот на ЈСП Скопје Игор Јанушев.

На денешната прес-конференција беа промовирани проектите за автоматска локација на автобусите и за електронска наплата во јавниот превоз.