Обвиненија за 29 физички и две правни лица од Струмица за непостапување според здравствените прописи
Основното јавно обвинителство Струмица до надлежен суд поднесе предлози за издавање казнени налози против 27 лица за сторено кривично дело „непостапување според здравствените прописи“ од член 206 став 1 од Кривичниот законик.
Како што соопшти Јавното обвинителство, обвинетите не ги почитувале одлуките и мерките на Владата на Република Македонија со кои се забранува движење на населението на територијата на државата. Секој од нив, во одделни кривично правни настани, не постапил согласно прописите за сузбивање или спречување на опасната заразна болест предизвикана од коронавирусот, поради која е прогласена пандемија.
Заради стореното кривично дело Основното јавно обвинителство Струмица до Основниот суд Струмица поднесе предлози за издавање казнени налози и за секој од обвинетите предложи судот да изрече парична казна во висина од по 50 дневни глоби, а секоја дневна глоба да е во висина од по 10 евра во денарска противвредност.
Струмичкото обвинителство денеска поднесе и два обвинителни предлога против вкупно две физички и две правни лица за истото кривично дело. Лицата како управители, вршеле продажба во нивните маркети, иако не поседувале дозвола за работа за време на полицискиот час.
Ново на Сител
-
Тешка сообраќајна несреќа на автопатот Тетово – Скопје
-
Утре во 17 часот нов протестен марш во Скопје за Фросина
-
Вучиќ: Тргнаа во напад на Србија однадвор, поддржани од многумина одвнатре
-
Кумановка измамена за 30.000 евра - повторно измамата во која наводно нејзина ќерка прегазила дете
-
Мицкоски: Надлежните се на терен во сите поголеми супермаркети, се прави анализа, детали од понеделник
-
Поранешниот германски претседател Хорст Келер почина на 81-годишна возраст
-
Футсал: Македонија поразена од европскиот првак Португалија
-
СП во ракомет: Заврши бајката на Португалија, фаворитот Данска се пласираше во финалето