Обрадовиќ го „заборави“ Антиќ и загуби!

Македонскиот интернационалец Перо Антиќ беше творец на пресвртот во финалето на Евролигата кога екипата на Фенербахче успеа да анулира дури 21 поен негатива против ЦСКА Москва и дури и да поведе во последната минута од мечот.

Антиќ за 17 минути игра постигна 16 поени (11/12 слободни, 1/2 за два, 1/2 за три).

За жал Обрадовиќ потоа го заборави и воопшто не му даде шанса во продолжението форсирајќи ги Калиниќ и Богдановиќ кои имаа катастрофална вечер и на крајот сето тоа резултираше со пораз на Фенербахче а Обрадовиќ го загуби своето прво финале откако претходно освои 8 трофеи.

Антиќ, кој има две титули со Олимпијакос, не успеа во своето трето финале да ја освои и третата титула европски првак.