Објавен романот „Харбински молци“ од Андреј Иванов
Во издание на „Бата прес“ во едицијата Руска книжевност, излезе од печат романот „Харбински молци“ од современиот руски писател Андреј Иванов. Станува збор за политички трилер, уникатно литерарно сведоштво за трагедијата на руската политичка и воена емиграција меѓу двете светски војни.
По Октомвриската револуција, 1917 година, Борис Ребров на само 17 години, станува емигрант во Белото движење. При заминувањето од Русија за Естонија, трагично ги губи своите најблиски. Обидувајќи се да преживее, почнува да работи како фотограф и сликар, а повремено пишува и статии во кои го доловува животот на руската емиграција во Естонија во периодот од 1920 до 1940 година.
Градот Ревељ, како што тогаш се нарекувал Талин, е град каде што руските грофови стануваат таксисти, офицерите крадат и се пропиваат, дамите се претвораат во курви и куќни помошнички. Некои се принудени да „црнчат“ во фабрики или канцеларии, некои имаат добра заработка од шверцот и производството на лош алкохол (чпирт) и кокаин, додека некои ја трошат последната енергија борејќи се против болшевизмот, надевајќи се дека ќе ги спаси фашизмот на Мусолини и Хитлер.
А тука е и долгата рака на НКВД, ЧК, ГПУ, како што се нарекува тајната полиција на СССР која своите краци ги пушта не само во Естонија, туку и во Франција, Германија, Англија, Финска, Шведска и другите држави во кои има руска емиграција. Оттука романот е и сведоштво за бројните притисоци, предавства, кодошења, убиства...
Авторот Aндреј Иванов (1971) е руски писател кој е роден и живее во Естонија. Автор е на романот „Патувањето на Хануман во Лоланд“, за кој ja има добиено наградата од естонскиот фонд „Капи- тал на културата“, а има добиено и други високи книжевни награди. За романот „Харбински молци“ ја има добиено високата книжевна награда за современ руски роман НОС („Нова словесност“).
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош