Нови покриви и лифтови за жителите на Карпош

Градоначалникот на Општина Карпош Стевчо Јакимовски, најави реконструкција на покриви на индивидуални и стабени објекти како и реконструкција и изградба на лифтови на колективни згради повисоки од пет ката. За таа намена од општинскиот буџет се обезбедени 36  милиони денари, односно 14 милиони  денари за поправка и изградба на лифтови, и 22 милиони  денари за реконтрукција на покривите.

- Важно  е,   да се напомене   дека   граѓаните ја обезбедуваат работната рака, а останатиот дел од инвестицијата  е обезбеден  од  финансиите на  локалната самоуправа. Сакаме да ги поттикнеме граѓаните за поголем интерес   и учество во реконстуркција на покривите , и покрај обнова  на фасадите, овие станбени  згради  да бидат  во одлична состојба и наредните 30 години, граѓаните да немаат никакви проблеми со своето домување- изјава Стевчо Јакимовски

Градоначалникот нагласи дека целта на оваа активност,  во наредните пет до седум години  е да нема ниту една куќа со салонитни табли, и исто така потенцираше дека при замената на покривите ќе се користи исклучиво лим во бела боја, обезбеден со средства на  буџетот на локалната самоуправа, кој ќе ја  подобри и климатската состојба во Општина Карпош .