Нови бомбашки напади, мртви на сите страни
Најмалку осум лица загинаа утринава, а повеќе десетици се повредени во два самоубиствени бомбашки напади во предградие на Дамаск, каде се наоѓа најголемиот шиитски храм во Сирија, објави сириската државна телевизија.
Автомобилот-бомба експлодирал на влезот од храмот Саида Зеинаб, кој е почитуван од сите шиити ширум светот.
Во овој кварт од почетокот на годинава припадниците на групата Исламска држава (ИД) извршиле најмалку три бомбашки напади.
Сирискиот центар за мониторинг на човековите права, со седиште во Лондон, соопшти дека во експлозиите загинале најмалку девет луѓе, а 30 се повредени.
Храмот, кој се наоѓа на десетина километри од центарот на Дамаск, е под зајакнато обезбедување на безбедносните сили, но сепак неколку пати бил мета на џихадистички напади.
Засега никој нема преземено одговорност за денешните синхронизирани напади.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден