Бизнис
25. September 2020 - 19:46

Нов пакет мерки ќе биде презентиран во недела

Владата ги финишира мерките за бизнисот. Истите ќе важат до крајот на годинава иако бизнисот бараше помошта да биде до март догодина. Поддршката нема да биде иста за сите,  ќе  се утврдува во зависност од тоа колкави последици трпи бизнисот поради короната. Но дел од даночните олеснувања ќе важат за цела наредна година.

Иако дел од  економските министри  деновиве посочија дека  ќе се разгледува мерката субвенции за вработување по етничка основа  и дека ќе се залагаат таа да почне да се реализира  догодина, Заев денеска рече дека нема причини  ниту потреба за воведување на посебни етнички политки затоа што се противуставни. Најави дека ќе се помага вработувањето во регионите каде има висока стапка на невработеност.

Новиот пакет економски мерки ќе биде објавен во недела, а дотогаш ќе продолжат консултациите со стопанските комори, сидникатите и сите засеганти страни.

Стопанството повеќе од два месеци е без помош, поради што дел од фирмите едвај успеваат да ги покријат месечните тековни трошоци.