Тринаесет мртви во поплавите и лизгањето на земјиштето во Индонезија

Речиси 40.000 лица се погодени од поплавите во централна Индонезија, предизвикани од повеќедневните поројни дождови, а во летувалиштето Бали загинаа 13 лица.

Агенцијата за спречување катастрофи соопшти дека поради непрекинатото врнење дожд во изминатите пет дека, реката на островот Сумбава се излила од коритото и поплави пет подокрузи во провинцијата Нуса Тенгара.

Портпаролот на оваа агенција Сутопо Пурво Нугрохо изјави дека од поплавите погодени се 40.291 жител, а нивото на водата е од 30 до 70 сантиметри.

Повеќето загрозени се во привремени засолништа во џамии и владини канцеларии, додека 8.000 и натаму се изолирани и се наоѓаат во куќи до кои може да се пријде само со гумени чамци.

- На луѓето им е потребна питка вода, јавна кујна, храна и лекови, додава Нугрухо.

На Бали, ново лизгање на земјиштето усмрти едно лице, со што бројот на жртви е зголемен на 13.

Претходно, 12 лица загинаа во лизгање на земјиштето кои збрижа неколку куќи во три планински села во округот Бангли.