Продолжен притворот на Габриел Бајрам

Советникот од Град Скопје, Габриел Бајрам, кој е осомничен за насилство, по истекот на осумдневниот притвор доби продолжување на мерката притвор за уште 30 дена.

Директорот на затворот „Скопје“ во Шуто Оризари за МИА изјави дека до нив е стигната потврда за продолжување на притворот.

Согласно одлуката на Кривичниот суд, мерката за продолжување на притворот е поради проценката дека осомничениот би можел да се даде во бегство.

Кривичната пријава за Бајрам беше поднесена откако во угостителски објект во Скопје на семејна веселба повредил еден од вработените и го кршел инвентарот во објектот.