Груби – Гир: Спорот со Бугарија треба што поскоро да се реши, време е за старт на преговорите
Првиот вицепремиер и министер за политички систем и односи меѓу заедниците, Артан Груби денеска имаше средба со евроамбасадорот Дејвид Гир на која се разговараше за евоинтеграцијата на Република Македонија, за натамошното унапредување на реформските процеси и политиките на дијалог и стратешките цели на државата, соопшти кабинетот на вицепремиерот Груби.
-Спорот со Бугарија и решавањето на овој спор меѓу двете земји беше дел од разговорот меѓу Груби и Гир, со особен акцент постигнувањето на договор што е можно поскоро и надминување на овој спор бидејќи патот на Република Македонија кон Европската Унијата е од особена важност и решавање на дискутираните прашања во дијалогот без никакво одлагање со претседателот Радев и со новата влада во Софија, се наведува во соопштението од средбата.
Целиот процес, нагласиле двајцата соговорници, треба да се затвори без одложувања бидејќи ако не се затвори сега, спорот меѓу двете земји ќе се одолговлекува со години и ќе го блокира евроинтегративниот процес на Република Македонија.
-Од другата страна тоа може да влијае на безбедноста на земјата, регионот, но, истотака понапорно да се работи за повисок и подобар животен стандард на граѓаните, оцениле Грубиу и Гир.
Меѓу другото, Груби и Гир разговарале за политичката состојба во земјата, процесите низ кои минува Република Македонија, како и потребата од поголема свест кај сите политички субјекти за поадекватно функционирање на Собранието и на проширување на парламентарното мнозинство, во корист на потребите на граѓаните и спроведувањето на европската агенда.
Шефот на Канцеларијата на ЕУ изразил сочувство за настраданите во автобуската несреќа во Бугарија, давајќи поддршка за решавање на случајот во соработка меѓу двете земји.
Ново на Сител
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци