-->
-->
Сообраќајка на влезот од селото Согле, еден сопатник тешко повреден
-->
Сообраќајна несреќа се случи вчера на влезот од селото Согле, општина Чашка, и тоа меѓу патничко моторно возило „Рено меган“ со велешки регистарски ознаки, управувано од 26 годишниот Б.Т. и патничко моторно возило „Опел астра“ со велешки регистарски ознаки, управувано од 38 годишниот Н.П. од Велес. Со тешки телесни повреди се здобил еден сопатник, а двајцата возачи и двајца сопатници со телесни повреди.
Сопатникот кој се здобил со тешки телесни повреди, констатирани во Општа болница Велес, е 79-годишниот С.П. од Велес.
Портпаролот на СВР Велес, Верољуб Додевски информира дека за настанот е известен Јавен обвинител, а увид на местото на настанот извршила увидната екипа од СВР Велес.
Како што информира портпаролката на велешката болница, д-р Елеонора Јованова, синоќа околу 19:30 часот од страна на Итна медицинска помош на Одделот за хирургија донесени биле пет лица повредени во сообраќајна несреќа.
Од нив четири лица се здобиле со лесни телесни повреди и пуштени се на домашно лекување, додека пак едно лице маж на 79 -годишна возраст се здобил со скрешеници на четири ребра при што е задржан на болничко лекување на Одделот за ортопедија и трауматологија при ЈЗУ Општа Болница Велес
-->
-->
-->
Ново на Сител
-
Првата официјална посета во странство на претседателката Сиљановска Давкова во Ватикан и Рим
-
Каселакис до Мицотакис: Ако сметате дека Договорот од Преспа е предавнички, еве Ви шанса да го поништите, но нема да го сторите тоа
-
Приведен дилер во Битола за издржување затворска казна
-
ЦУК: Поплавени подруми и гаража во охридско од поројниот дожд
-
Путин одржа состанок за поплавите и пожарите во Русија
-
Украинското воздухопловство ги соборило сите 37 дронови лансирани од Русија
-
Израелската војска соопшти дека пронашла тело на уште еден заложник во Појасот Газа
-
Најмногу дожд во Охрид во изминатите 24 часа