Заев: Без да ги кршам протоколите би бил меѓу првите кои ќе ја примат вакцината

Без да ги кршам протоколите би бил кеѓу првите кои ќе ја примат вакцината, кажа премиерот Зоран Заев во денешната Тема на денот на Сител.

-Без да ги кршам протоколите, да не бидам пред сестрите, докторите или слично. Ако притоа е важно за сите да оцениме оти треба да го дадам примерот, јас ќе го дадам веднаш, несакајќи да ги прекршам протоколите односно да ги скокнам лекарите и пензионерите или хронично болните. Меѓутоа, сигурно ќе бидам меѓу првите што ќе ја прими вакцината за да испратам порака дека е здрава, дека е безбедна, рече Заев.

Заев додаде и дека сите треба да ја примат вакцината.

- Треба да знаеме сите дека нема да има можност да не пушти никој да излеземе надвор од државата, односно да влеземе во друга држава ако немаме примено вакцина. Сите се штитат за да не се шири заразата. Колку порано се вакцинира населението, толку побрзо ќе ја искорениме оваа ковид криза и ќе се вратиме во нормала.