Директорот на Бирото за јавна безбедност на состанок на шефови на полициите во Рим
Балканот како регион отсекогаш претставувал место низ кое транзитирале многу луѓе како најкраток пат помеѓу Истокот и Западот. Во историјата скоро и да нема поголеми миграциски движења во овој дел од светот кои повеќе или помалку не го зафатиле и овој регион, истакна директорот на Бирото за јавна безбедност, Горанче Савовски на состанокот на шефови на полициите од балканските земји што се одржува од 14 до 16 декември во Рим.
Савовски истакна дека ова се однесува и на Република Македонија, која со својата географска положба претставува неодминлив дел од рутите на ваквите движења. Според него, моменталната миграциска состојба и притисокот на мигрантите од Блискиот Исток, Арапските држави и Северна Африка да транзитираат токму преку Балканот не е изненадување.
- Сепак, денес се соочуваме со масовен прилив на мигранти во размери какви што не се регистрирани во блиското минато и кој ги има сите предуслови да прерасне во вистинска криза. Токму затоа Република Македонија презема мерки за справување со кризата, од кои како клучни се издвојуваат измените во Законот за азил и привремена заштита од јуни 2015 и Одлуката на Владата на РМ за кризна состојба на северната и јужната граница од август 2015 година, потенцира Савовски.
На маргините на состанокот, кој се одржува во организација на „Европол“, директорот на Бирото за јавна безбедност оствари билатерална средба со заменик-директорот на грчката полиција Константинос Сувалас. На средбата е констатиран значителен напредок во соработката на двете полициски служби со можност таа да биде продлабочена особено на полето на мигрантската криза.
Ново на Сител
-
Гостиварец собрал 760 евра за лекување, со измама му ги земале парите
-
Крвава драма во Тетово: Еден прободен
-
Убиена дива свиња пронајдена во багажник, кривична за две лица
-
Мицкоски: Не можеме повеќе да прифаќаме ултиматуми
-
АХВ: „Атлантик Штарк“ повлекува бисквити поради можност за присуство на надворешно тело
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН