Ирачкиот претседател се закани со оставка заради номинацијата на Ал-Еидани за премиер
Ирачкиот претседател Бахрам Салих не дозволи именување за мандатар за премиер да биде лице кое е номинирано од парламентарниот блок што ја има поддршката од Иран, изјавувајќи дека попрво ќе даде оставка отколку да именува некого на таа позиција, кого ќе го отфрлат демонстрантите.
Блокот Бинаа, најголемата парламентарна група во ирачкиот Парламент, го номинираше гувернерот на покраината Басра, Асад Ал-Еидани за нов шеф на ирачката Влада, Но, Салих во соопштение објави дека именувањето на ал-Еидани нема да ги исполни, пред се заради демонстрантите кои бараат независен премиер, кој не е партиски човек. Бидејќи Уставот не му давал право да одбие мандатар за премиер тој истакна дека е подготвен на оставка пред парламентот.
-Со желба да ја смирам крвта и да одржам мир, со сета почит кон Асад Ал-Еидани, одбивам да го номинирам. Затоа сум подготвен да дадам оставка на местото претседател пред пратениците во парламентот, па тие нека одлучат како претставници на народот, истакна ирачкиот претседател.
Ирачкиот Устав предвидува најголемиот блок пратеници во парламентот да го номинира премиерот кого потоа треба да го потврди претседателот. Рокот за поставување нов шеф на владата веќе е двапати пропуштен заради несогласувањата за тоа кој е нејголемиот блок во парламентот по минатогодишните избори.
Ал-Еидани веднаш беше одбиен од ирачките демонстранти бидејќи тие бараат независен кандидат. Во неговата провинција, Басра, се наоѓаат околу 70 отсто од ирачките нафтени резерви и беше центар на антивладините демонстрации во изминатите години.
Од 1 октомври Ирак го потресуваат демонстрации, а учесниците (повеќето млади луѓе) бараат комплетна промена на политичкиот систем за кој наведуваат дека е корумпиран во корен и е виновен што повеќето Ирачани се сиромашни.
Во текот на демонстрациите беа убинеи 450 лица.
Ново на Сител
-
Реакција од медиумите и СИРИЗА
-
Ставот на Мицкоски е во согласност со Преспа
-
Опозицијата смета дека програмата на новата влада е далеку од дадените ветувања
-
Почнав со училишен бенд, стигнав до Макфест | Јана Спирковска | Sitel Podcast 046
-
Удрен пешак во Скопје
-
Повредени две деца и две жени, возач удрил во нивното возило и избегал
-
Нов голем напад на руските сили врз украинската енергетска инфраструктура
-
Од утре попладне пороен дожд и грмежи