Патиштата влажни, да се вози внимателно

Сообраќајот на државните патишта се одвива по претежно влажни коловози. Слаб снег кој не се задржува на коловозот провејува на Попова Шапка, додека во останатиот дел од земјата наместа има слаби врнежи од дожд.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Интензитетот на сообраќајот на патните правци надвор од градските средини е умерен, а на граничните премини, од македонска страна, нема подолги задржувања за влез и излез од државата.