Започна планинарскиот марш „По патеките на востаниците”
Започна традиционалниот планинарски марш што се организира по повод 143 години од Разловечкото востание. Маршот е со релација село Тработивиште – Свети води – Разловци и е во должина од осум километри.
- На овој планинарски марш, кој е од историско значење, учествуваат планинари од Делчево, Берово, Пехчево, Велес и од Зрновци. Планинарската патека минува низ еден интересен предел и засега временските услови се идеални за учесниците. Маршот го започнавме од село Тработивиште, со тоа што пристигнувањето на планинарите на централната прослава во Разловци се очекува некаде околу 12 часот, информира водичот и претседател на ПСК „Голак”, Љупчо Чучуковски.
Додава дека по завршувањето на маршот за планинарите ќе биде организирана заедничка дружба со пригоден ручек.
Организатор на настанот и годинава е Општина Делчево, како дел од одбележувањето на 143-годишнината од Разловечкото востание по кој повод денеска во Разловци ќе бидат организирани низа настани.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o