Столтенберг: Сосема бесмислено е НАТО и ЕУ да бидат ривали
Генералниот секретар на НАТО Јенс Столтенберг, по повод расправата за формирање „европска војска“, денеска предупреди дека европската одбрана не смее да се зајакнува на штета на Северноатлантскиот сојуз.
– Задоволни сме поради зголемените напори на Европската унија на полето на одбраната. Добра работа е ако европските сојузници имаат поголеми капацитети, ако подобро соработуваат. Она со што не сме задоволни е што Европа почнува да воспоставува двојни структури, истакна Столтенберг на форумот „НАТО-Индустрија“ во Берлин.
Тој оцени дека на НАТО и ЕУ „всушност им е потребен еден, силен и стручен, команден систем.
– Не можеме да ги делиме ресурсите на половина. За земја како што е Германија би било целосно бесмислено да дозволи НАТО и ЕУ да бидат противници, бидејќи Германија, како и поголемиот број други членки на НАТО, воедно се и членки на ЕУ, порача Столтенберг.
Францускиот претседател Емануел Макрон на 6 ноември покрена расправа, предлагајќи и Европа да „изгради сопствена војска“, што го налути претседателот на САД, Доналд Трамп.
Во пресрет на доаѓањето во Франција по повод одбележувањето на стогодишнината од завршувањето на Првата светска војна, Трамп го оцени предлогот на Макрон како „навредлив“.
Макрон се обиде да го увери Трамп дека предлогот не бил насочен против Вашингтон.
Ново на Сител
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ