Мариса Томеј во улогата на „тетка Меј“

Одлуката на компанијата „Марвел“ да ја ангажира 50-годишната Мариса Томеј за улогата на „тетка Меј“ во новиот филм „Човек-пајак“ („Спајдермен“), разлути голем број нејзини обожаватели, кои тврдат дека актерката едноставно е премлада и преубава за таа ролја.

Во улогите на „тетка Меј“, која во стрипивите е прикажана како старица со бела коса, досега се појавија 74-годишната Розмери Харис и 66-годишната Сали Филд.

Но, ангажманот на 50-годишната Томеи многумина наведе да утврдат дека Холивуд со овој потег ги дискриминира повозрасните актери.

- Навистина? Можете ли вие да биде поголеми сексисти? Мариса Томеи како тетка Меј? Колку години има Спајдермен, пет?, Ќе биде чудно кога ќе видине дека Меј е посекси од Мери Џен, се само некои од негативните коментари.

Од друга страна, постојат и оние кои тврдат дека Меј и во стриповите била прикажана премногу стара и дека Мариса Томеи во реалноста е многу поблиску до „нејзините вистински години“.

Ова е трет дел на серијалот за „Човекот-пајак“, а улогата на супер јунакот му е доделена на 19-годишниот Том Холанд. 

Режисер на новиот фил е Џон Ватс, а во кината нема да се појави пред јули 2017 година.