Невреме со пороен дожд и грмежи во делови од Македонија
Нестабилност проследена со пороен дожд, грмежи и повредено засилен ветер попладневно ја зафати најпрво Малешевијата, потоа Кочанско, Штипско и кон крајот на денот Кумановско, Светиниколско и делови од скопската котлина.
Како што информираат од УХМР најмногу дожд наврна на Ѓуриште, Светиниколско 33 литри, Берово 11, Штип осум литри, и по еден литар во Битола и Тополчани во Пелагонија.
Во скопската котлина невремето ги зафати центарот и источните делови. Имаше врнежи од дожд и засилен ветер кој во 17 часот достигна 25 километри на час.
Ветерот најсилно дуваше во Струмица во 17 часот со брзина од 35 километри.
Во вечерните часови нестабилно ќе биде претежно на север, а преку ноќта облачноста ќе се намалува. Сосема на југоисток кон Струмичко од Бугарија има нова нестабилност која е проследена со ретки грмежи.
Утре времето ќе биде сончево и многу топло, попладне со мала до умерена облачност и слаб ветер претежно од источен правец. Минималата температура ќе се движи од 13 до 21 степен, а максималната од 31 до 38 степени. УВ индексот ќе изнесува 9.
Во Скопје ќе биде сончево и многу топло, попладне со мала до умерена облачност и слаб ветер претежно од североисточен правец. Температурата од 20 до 37 степени.
Од недела до вторник во попладневните часови ќе има појава на пороен дожд и грмежи, а дневните температури ќе опаднат за околу 5 степени.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка