Македонија
26. November 2019 - 12:05

Нема повредени во сообраќајната несреќа кај делчевското село Очипала

По сообраќајната несреќа кај село Очипала каде комбе на Штипска Млекара се преврте, оспособена е едната коловозна лента и во сообраќај се пуштаат само патнички возила. Екипи на полициското одделение од општа надлженост Делчево велат дека по завршувањето на увидот ќе биде пуштена и втората сообраќајна коловозна лента, по што сообраќајот ќе биде нормализиран.

-Нема повредени во сообраќајната несреќа во која по превртувањето на комбито е причинетоа мала материјална штета без проблеми по возачот. Увидот ќе трае до 12:30 часот по што сообраќајот ќе биде целосно нормализиран, велат од делчевската полиција.

Од таму апелираат поради влажните коловози возачите да возат внимателно и да внимаваат особено на местата каде често се јавуваат одрони. Сообраќајот на патот од утрово во регионот на Пијанец се одвива по влажни коловози.