Некогашниот германски шампион во 5-та лига!

Некогашниот германски првак од 1966 Минхен 1860 и двократен победник на купот најверојатно ќе мора да игра во петтата германска лига откако сопственикот на клубот арапскиот милијардер Хасан Исмаик одби да плати 10 милиони евра за лиценца за настап во Третата Бундес лига,.

Исмаик досега вложи 60 милиони но без ефект поради лоши потези и клубот не успеа да избори опстанок во Втората лига откако во баражот загуби од Регенцбург.

Беше објавено и дека „Лавовите“ се селат од Алијанц арената и дека од наредната сезона – независно дали ќе бидат четврта или петта лига – ќе играат на својот стар стадион на кој ги дочекуваа противниците до 1995 година – Гринвалдер, кој има капацитет од 12.500 места.