Најмалку 35 луѓе загинаа при експлозија во верско училиште во Авганистан

Најмалку 35 лица загинаа, а 23 се повредени при експлозија во верско училиште (медреса) во Ајбак, во северната авганистанска провинција Саманган.

Според лекарски извори, жртвите на нападот се „деца и обични луѓе”.

Се уште никој нема преземено одговорност за нападот.

Во Авганистан од август минатата година, кога талибанците ја презедоа власта регистрирани се десетици експлозии и напади врз цивили, за кои одговорност презеде огранокот на Исламска држава.