Надвор е минус 10 степени, а пишува дека е минус 1, ЗОШТО?

Почетокот на декември ни донесе утрински температури под нулата, а според долгорочни предвидувања, ладното време, но без врнежи ќе се задржи до крајот на неделата.

 

Иако во последните неколку утра живата на температурата покажува дека истата е околу првиот степен под нулата, субјективното чувство ни говори дека таа е значително пониска.

 

На пример, кога реалната температура е 0 степени, субјективното чувство ни говори дека таа е околу 10 под нулата, а од друга страна, постојат луѓе кои имаат чувство и дека е потопло.

 

Оваа појава не треба да не чуди, затоа што надворешната температура кај секој човек поинаку се доживува.

 

Објаснувањето зошто тоа е така лежи во тоа што ветерот поинаку влијае на кожата на човекот, и поради тоа се разликува и субјективното чувство на студено.