Набавени нови контејнери за отпад во Делчево
Општина Делчево го решава проблемот со старите садови за отпад. За подобрување на состојбата со управување на отпадот, по речиси една деценија деновиве се набавени 23 контејнери, вредни 370.000 денари.
Контејнерите, како што информираат од Општината, се со номинална носивост од 430 килограми и се предадени на Јавното комунално претпријатие „Брегалница“.
– Од таму е предвидено нивно транспортирање на планираните локации, каде досега немало контејнери како и на местата со стари и оштетени контејнери. Очекуваме новите садови за отпад да придонесат за подобар квалитет на услугите за собирање на комуналниот отпад, велат од Општината.
Контејнерите како што додаваат изворите од локалната самоуправа се набавени по претходно спроведената набавка и испорака на метални контејнери за отпад за што е склучен договор со фирма добавувач од Неготино.
Освен оваа набавка деновиве набавка на нови садови за отпад се очекува и преку проект на Локалната акциска група Малеш-Пијанец. Во моментот, како што дополнија надлежните, се спроведува постапка за набавка на урбана опрема – парковски канти за отпадоци, контејнери за отпад и контејнери за селекција за отпад вредна 880 илјади денари.
Сите овие активности како што додаваат се во насока на подобрување на квалитетот на живеење на граѓаните со акцент на подобро управување со отпадот кој е еден од основните проблеми во регионот.
Ново на Сител
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија