На воената парада во Атина забранета паролата “Македонија е грчка“
Денот на независноста на Грција, 25 Март, и годинава ќе биде одбележан со воена парада во Атина, но за разлика од другите кодини кога вoјниците маршираа со слоганот „Македонија е грчка“, годинава нема да смеат да го извикуваат.
„Македонија … молчи“, гласеше коментарот на грчките медиуми, откако на вчерашната студентска парада, која ѝ претходи на воената, беше забрането да се изведува националистичкиот марш „Славна Македонија“. Ваква одлука, според протоколот, донеле општината и општинскиот регион Атина, пренесе Фактор.
Грција ги презема сите мерки за на популарниот „охи ден“, да не се случи некаков инцидент кој обично во минатото го правеа специјалните поморски сили – „жабите“, кои вообичаено извикуваат погрдни пароли против Македонци или Албанци, без при тоа инцидентите да бидат санкционирани.
Сега со постигнувањето на Преспанскиот договор, воениот врв најавува дека ќе бидат санкционирани какви било ициденти, а испратена е и наредба со која се забрануваат секакви пароли.
Зачувајте го достоинството и единството на оружените сили… ќе има дисциплински или кривични санкции доколку има инциденти. – се вели во наредбата на военото раководство.
Властите презедоа и дополнителни мерки на плоштадот „Синтагма“ во Атина од каде се отстрануваат или ќе бидат остранети сите што сакаат да протестираат против Преспанскиот договор или да извикуваат дека „Македонија е грчка“.
Ново на Сител
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите