На турско-сириската граница во изминатите 14 месеци приведени 1.220 борци на ИД

Во регионот на турско-сириската граница во последните 14 месеци биле приведени вкупно 1.220 борци на Исламска држава, соопшти денеска турскиот Генералштаб, цитиран од весникот „Хуриет дејли њуз“.

Од почетокот на годината на оваа граница се приведени вкупно 259 џихадисти и тоа 178 во јануари и уште 81 од почетокот на овој месец заклучно до вчера.

Од активистите на Исламска држава кои биле приведени во февруари 33-ца се обиделе да влезат во Турција, а 48 се обиделе од Турција да влезат во Сирија.

Бројот на приведени членови на Исламска држава во февурари е зголемен за повеќе од пет пати во споредба со истиот период минатата година, пред се, заради безбедносните мерки што се преземни во регионот на границата.

Според информацијата на Генералштабот на турската армија, повеќете од членовите на Исламска држава бале фатени во реонот на Елбејли, во округот Килис.