Балкан
3. July 2017 - 12:03

На Лезбос во јуни пристигнале 940 бегалци и мигранти

На грчкиот остров Лезбос во јуни се регистрирани најголем број нови бегалци и мигранти во споредба со другите месеци од 2017 годна, соопшти Генералната полициска управа на северниот дел на Егејското Море.

Според податоците, на островот минатиот месец пристигнале 940 бегалци и мигранти, во споредба со 456 во јануари, 252 во февруари, 336 во март, 281 во април и 534 во мај.

Како што јави дописникот на МИА од Атина, на Хиос, пак, во јуни пристигнале 309 мигранти, наспроти 324 во јануари, 275 во февруари, 825 во март, 505 во април и 948 во мај.

На Самос се регистрирани речиси идентични бројки, односно во јуни имало 249 нови бегалци, во споредба со 232 во јануари, 172 во февруари, 247 во март, 243 во април и 249 во мај.