На 9.април ќе се трча 11.то издание на Женска трка
Најголемата и најпозната трка за натпреварувачките од понежниот пол во Македонија - Женска трка, на 9 април 2023 (недела) ќе го има своето 11-то издание во организација на Сојузот на спортови на Скопје и под покровителство на Град Скопје и Агенцијата за млади и спорт. Оваа трка ги поттикнува учесничките на здрав животен стил и негување здрави навики, па затоа секое ново издание бројот на тркачки на стартната линија се зголемува.
Пријавувањето е веќе почнато за оваа три километарска трка, а секоја заинтересирана жена има можност да се пријави најдоцна до 4 април 2023. Котизацијата до 8 март 2023 ќе изнесува 300 денари, а до 4 април 2023 ќе изнесува 350 денари. При регистрација секоја спортска ентузијастка ќе може да си купи драј фит маица со логото на трката како дополнителен продукт. Цената на маицата изнесува 500 денари и истата ќе може најдоцна да се купи до 10 март 2023 година.
Пријавувањето и регистрацијата за Авицена Женска трка 2023, секоја натпреварувачка ќе може да го направи истото преку официјалната веб страница на Авицена Женска трка www.zenskatrka.mk.
Сите кои ќе се пријават до 30 март 2023 година нивното име ќе им биде испишано под стартниот број.
Најбрзите три натпреварувачки во генералниот пласман ќе добијат награди, а награди исто така ќе има и за првите три во неколку возразни категории (според Chip Time).
Според возрасната категорија учесничките ќе бидат поделени во 7 подкатегории и тоа прва категорија до 12 години, втора категорија до 14 години, трета категорија до 18 години, четврта категорија до 30 години, петта категорија до 40 години, шестта категорија до 50 години и седма категорија над 50 години.
По завршувањето и прогласувањето на победничките, за сите натпреварувачки ќе биде организирана и лотарија каде ќе се извлегуваат старните броеви од сите учеснички. Затоа организаторот ги повикува сите учеснички да останат до самиот крај на настанот, можеби токму на лотаријата некоја од учесничките ќе добие некоја награда од партнерите на трката.
Повеќе информации за Авицена Женска трка 2023 може да се добијат на официјалната веб страна и официјаните Фејсбук и Инстаграм профили:
zenskatrka.mk/, facebook.com/zenskatrkaskopje и instagram.com/zenskatrka.mk/.
Ново на Сител
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово
-
ДСЗИ повторно ќе оди во вонредна контрола на Токсикологија
-
Азески: Господ на помош на тој што ќе донесе милијарда евра
-
Преглед на вестите од светот
-
Кисела Вода ги дигитализира услугите
-
Управниот суд одлучува по решенијата на ДИК