МЗ: Направивме рекордно зголемување на платите на здравствените работници, продолжуваме да инвестираме во човечкиот капитал
Квалификуван и мотивиран медицински кадар е еден од основните предуслови за квалитетно здравство. Во изминатиот период направени се сериозни вложувања во човечкиот капитал.
За период од две години, дадени се повеќе од 5000 согласности за вработувања во јавното здравство. За најмалку 10% е зголемен капацитетот со човечки капитал во секоја јавно-здравствена установа.
Направено е рекордно зголемување на платите. Основната плата на лекарот специјалист е зголемена за 40%, на медицинските сестри до 23%, на општите лекари 25% и 15% на останатите здравствени соработници, заклучно со февруари 2020 година.
За 15% е зголемен капитациониот бод на матичните лекари од општа пракса, педијатрија, гинекологија и стоматологија, а на терциерно ниво се одобрија повеќе од 1000 специјализации и супспецијализации.
Со сите овие мерки, не само што се зајакнуваат професионалните капацитети на здравствените работници, туку се овозможуваат услови за нивна работа дома и можност тие својата иднина и кариера да ја гледаат во македонското јавно здравство.
Министерството за здравство и во 2020 година продолжува да инвестира во човечкиот капитал, затоа што само со мотивирани здравствени работници ќе има и задоволни пациенти.
Ново на Сител
-
Тема на денот со Изет Меџити, коалиција Вреди
-
Приватните специјализанти ќе работат за празниците, но не се откажуваат од барањата
-
ДСЗИ повторно влезе на Токсикологија
-
Одобрена екстрадицијата на Палевски
-
Распределбата на спортски ваучери ќе седне на обвинителна клупа 12 лица
-
Скопјанец со тешки повреди заврши на КАРИЛ по пад во отворена шахта
-
Сите имаат услови за владина коалиција
-
Ковачевски со критики за ДУИ