МВР: Зајакнати мерки за непрописно паркирани возила во централно градско подрачје

МВР вчера во центарот на Скопје презеде 20 мерки за непрописно паркирани возила.

- Вчера во периодот од 17:00 до 20:00 часот од страна на Одделението за безбедност на патниот сообраќај при СВР Скопје преземени се зајакнати мерки за санкционирање на непрописно паркираните возила низ централното градско подрачје за зголемување на безбедноста во сообраќајот при што преземени се вкупно 20 мерки од кои изречени се шест прекршочни платни налози за непрописно паркирани возила, 12 возила се подигнати со специјалното возило „пајак“ и две мерки по останати прекршоци, стои во соопштението на МВР.

Како што наведуваат оттаму, сообраќајните контроли продолжуваат и во наредните денови и апелираат до сите учесници во сообраќајот да се почитуваат сообраќајните правила и прописи и сите заедно да придонесеме за посигурни патишта.