ММФ ги повика Европејците да се согласат на дополнително олеснување на грчкиот долг
Меѓународниот монетарен фонд (ММФ) повторно ги повика Европејците да се согласат на дополнително олеснување на грчкиот државен долг и да ги намалат планираните цели за буџетскиот суфицит на земјата, кои треба да ги исполни, се наведува во годишниот извештај на ММФ за состојбата на грчката економија, кој беше објавен денеска.
Дури и со целосно прифаќање на мерките за економија и на препорачаните реформи за земјата, Грција има потреба од олеснување на долгот, се вели во документот, во кој се забележува дека е нереална целта за првичниот буџетски суфицит од 3,5 од БДП, кој еврозоната го зацрта за Грција за периодот до 2018 година.
- Олеснувањет на грчкиот државен долг треба да биде одобрено од европските партнери на земјата, напомена Делија Велкулеску, претставничката на ММФ во Грција.
Таа додаде дека во мај еврозоната се договорила за принципите на таквото олеснување на долгот, и вели дека е многу добро што европските партнери размислуваат за такви мерки за Грција.
Грчкиот долг е на пат да достигне 180 проценти од БДП и покрај трите транши за Грција, дадени од ЕУ и од ММФ.
Ново на Сител
-
Во Белград од синоќа наврнаа над 55 литри дожд
-
Маж во Атина застрелан во автомобил со најмалку 15 куршуми
-
Црвеното ниво за безбедноста во Србија останува на сила
-
Изгаснат пожар во Старата прилепска чаршија
-
Тери го критикуваше Би-Би-Си за навредливиот прекар кон Роналдо
-
ЕВРО2024: Франција четвртфиналист
-
Кошта прв голман кој не примил гол во пенал-серија на ЕП
-
Г.г Стефан упати честитка до новоизбраниот бугарски патријарх Даниил