Мјузикл за Тоше идната година во Македонската опера и балет
Македонската опера и балет најави дека во соработка со Фондацијата „Тоше Проески“ ќе направи мјузикл во чест на Тоше Проески, врз оригинално сценарио на текстописецот и драматург Огнен Неделковски, кој беше и автор на голем дел од текстовите за песните на Тоше.
Музичкиот дел ќе го обликува авторски тим од реномирани композитори кои ќе ги преработат најпознатите музички теми испеани од Тоше Проески.
- Мјузиклот ќе биде поставен во почетокот на наредната година, во која ќе се одбележат 10 години од прераната смрт на македонската музичка икона Тоше. Бидејќи Тоше беше подеднакво извонреден оперски пејач, сметаме дека токму со жанрот на мјузиклот ќе успееме од една страна да ги обединиме сите креативни квалитети кои ги поседуваше како уметник, а во соодветна уметничка форма да се презентира до широката јавност и сите почитувачи на неговиот лик и дело, од друга страна, изјави Игор Дурловски, директор на Македонската опера и балет.
За овој месец, 27 април, МОБ најави премиера на балетската претстава „Црвена соба“ во која ќе настапат сите првенци на Балетот на МОБ. Либретото за балетот го напиша Сашо Димовски, а сценографијата е на Марија Ветеровска. Кореограф е Игор Киров, а костимограф Александар Ношпал, кои соработуваа и за балетската претстава „14 часа“.
Ново на Сител
-
Отворена истрага за 34 осомничени, Обвинителството бара притвор за сите
-
Тема на денот со Миодраг Лабовиќ, професор на Факултетот за Безбедност
-
Голем пожар во Струмица
-
Отворена истрага за 34 осомничени, Обвинителството бара притвор за сите
-
Тошковски: Заврши првата фаза од постапувањето за пожарот во „Пулс“
-
Намален бројот на повредени хоспитализирани во земјата и странство нема транспорт на повредени надвор од државата
-
Итна и првична помош од 2.500 евра за сите засегнати од пожарот
-
Обдукцијата покажа дека 59-те лица починале од задушување со јаглероден моноксид во дискотеката во Кочани