Митрополит Тетовско-гостиварски г. Јосиф: Поддршка за „Тетекс“ и „Љуботен“
Митрополитот Тетовско-гостиварски г. Јосиф денес испрати соопштение до јавноста изразувајќи подршка на ФК Тетекс, ФК Љуботен и ЖФК Љуботен поради тоа што не им е дозволено користење на двата градски фудбалски стадиони во Тетово, а ексклузивно право на користење на двата стадиони има само ФК Шкендија
„Почитувана јавност,
Примајќи ја грижата на својот верен народ и истакнувајќи ја својата посветеност за мир, соработка и соживот, Н. В. Митрополитот Тетовско-гостиварски г. Јосиф, како надлежен владика на Тетовско-гостиварската епархија на Македонската православна црква изразува целосна и безрезервна поддршка на јавниот апел за рамноправен третман на македонските фудбалски клубови „Љуботен“ и „Тетекс“, кои се вистинско и маркантно обележје на македонскиот спорт и долгогодишна спортска традиција.
Митрополитот ги повикува Општина Тетово, властите и одговорните со зголемено внимание да постапуваат во насока на овозможување на соодветен престор за делување и развој на сите луѓе, групи, клубови и организации, без разлика на нивната национална припадност.
Секој човек има права и слободи, а секој заслужува рамноправен третман!
Демократијата не завршува кога ги остварувате Вашите права, а почнува онаму каде започнува Вашиот интерес и за правата на другиот.
Со благослов,
Тетовско-гостиварска епархија на МПЦ-ОА“, стои во соопштението.
Ново на Сител
-
Одржан протестот на косовските Срби во Северна Митровица, побарано да не се отвора мостот на Ибар
-
Закрепнува царскиот орел што го спасија кочанските пожарникари, ќе биде вратен на Осоговските Планини
-
Почина четиримесечно бебе во Струшко, причините ќе се утврдуваат
-
Борел: ЕУ го осудува континуираното руско воено присуство во грузиските сепаратистички региони Абхазија и Јужна Осетија
-
Девизните резерви во јули зголемени за 91 милион евра
-
Шест активни пожари, девет под контрола
-
Во наредните два дена на повеќе места пороен дожд, грмежи и ветер, за викендот сончево и топло
-
Трипуновски: Работиме да имаме што повеќе задоволни лозари, повторно да бидеме препознатлив бренд по вино